Ակսել Վեբեր
| Ակսել Վեբեր | |
.jpg)
| |
| Կրթություն՝ | University of Siegen? (1987) և Կոնստանցի համալսարան |
|---|---|
| Գիտական աստիճան՝ | դոկտորի աստիճան[1] |
| Մասնագիտություն՝ | տնտեսագետ, բանկիր և համալսարանի դասախոս |
| Ծննդյան օր | մարտի 8, 1957[2][3][4] (67 տարեկան) |
| Ծննդավայր | Kusel, Ռայնլանդ Պֆալց, Գերմանիայի Ֆեդերատիվ Հանրապետություն[1] |
| Քաղաքացիություն |  Գերմանիա
|
| Պարգևներ | |
Ակսել Վեբեր (գերմ.՝ Axel Alfred Weber, մարտի 8, 1957[2][3][4], Kusel, Ռայնլանդ Պֆալց, Գերմանիայի Ֆեդերատիվ Հանրապետություն[1]), գերմանացի տնտեսագետ, շվեյցարական UBS Group AG խոշորագույն ֆինանսական հոլդինգի տնօրենների խորհրդի նախագահ, 2004-2011 թվականներին զբաղեցրել է Գերմանական դաշնային բանկի (Բունդեսբանկի) նախագահի պաշտոնը։
Կրթություն
[խմբագրել | խմբագրել կոդը]1976 թվականին Ակսել Վեբերը ընդունվել է Կոնստանցի համալսարանի պոլիտէկոնոմիայի ֆակուլտետ (Գերմանիա), որն ավարտել է 1982 թվականին։
1982-1988 թվականներին աշխատել է Զիգենի համալսարանի արժութաֆինանսական հարաբերությունների ամբիոնում (Գերմանիա), որտեղ 1987 թվականին ստացել է տնտեսագիտության և սոցիալական գիտությունների դոկտորի գիտական աստիճան։
1988 թվականին գիտական գործունեություն է ծավալել Լոնդոնի Մարիա թագուհու համալսարանում և Թիլբուրգի համալսարանի Տնտեսագիտական հետազոտությունների կենտրոնում, որի ավարտին 1989 թվականին վերադարձել է Զիգեն, որտեղ զբաղեցրել է տնտեսագիտության ամբիոնի գիտաշխատողի պաշտոնը։
Գործունեություն
[խմբագրել | խմբագրել կոդը]Մանկավարժական գործունեություն
[խմբագրել | խմբագրել կոդը]1994-1998 թվականներին Ակսել Վեբերը դասախոսական գործունեություն է ծավալել Բոննի համալսարանում՝ որպես տնտեսագիտության տեսության պրոֆեսոր, իսկ այնուհետև 1998-2001 թվականներին եղել է փողի կիրառական տեսության պրոֆեսոր և Ֆրանկֆուրտի Յոհան Վոլֆգանգ Գյոթեի անվան ֆինանսական հետազոտությունների կենտրոնի տնօրեն։ 2001-2004 թվականներին նա համատեղել է համաշխարհային տնտեսության պրոֆեսորի և Քյոլնի համալսարանի ֆինանսական հետազոտությունների կենտրոնի տնօրենի գործունեությունը։
Գործունեություն գերմանական դաշնային բանկում
[խմբագրել | խմբագրել կոդը]2004 թվականին Ակսել Վեբերը նշանակվել է Գերմանիայի դաշնային բանկի (Բունդեսբանկի) նախագահ, որը նա գլխավորել է մինչև 2011 թվականի ապրիլի վերջը։ Այդ ընթացքում նա եղել է նաև Եվրոպական կենտրոնական բանկի (ԵԿԲ) խորհրդի և Միջազգային հաշվարկների բանկի տնօրենների խորհրդի անդամ, ինչպես նաև Արժույթի միջազգային հիմնադրամի (ԱՄՀ) Գերմանիայից կառավարիչ։
2010 թվականին Ակսել Վեբերը համարվում էր որպես ԵԿԲ-ի նախագահի հավանական թեկնածու[5], սակայն 2011 թվականի սկզբին հրաժարվել է հավակնել այդ պաշտոնին։ Հակառակ փորձագետների սպասումներին՝ Վեբերը չի գլխավորել Deutsche Bank-ը[6]։
2011 թվականի փետրվարին Ակսել Վեբերը հայտարարել է Բունդեսբանկի ղեկավարի պաշտոնից մինչև 2011 թվականի ապրիլի 30-ը վաղաժամկետ հեռանալու իր որոշման մասին[7], և իր հեռանալուց հետո մեկ տարվա ընթացքում գիտական և դասախոսական գործունեություն է ծավալել Չիկագոյի համալսարանում՝ որպես հրավիրված պրոֆեսոր։
Գործունեություն UBS-ում
[խմբագրել | խմբագրել կոդը]2012 թվականի մայիսի 3-ին Ակսել Վեբերն ընտրվել է շվեյցարական UBS խոշորագույն բանկի անդամ և տնօրենների խորհրդի նախագահ՝ փոխարինելով Կասպար Ֆիլիգերին և դառնալով այդ պաշտոնում առաջին օտարերկրացին[8]։ 2014-2016 թվականներին բանկի վերակազմավորումից և UBS Group AG ֆինանսական հոլդինգի վերակազմավորումից հետո Ակսել Վեբերը դարձել է հոլդինգի տնօրենների խորհրդի նախագահ՝ պահպանելով UBS AG տնօրենների խորհրդի նախագահի պաշտոնը[9]։ Բացի այդ, նա կազմակերպության մշակույթի և պատասխանատվության կոմիտեի (Corporate Culture and Responsibility Committee) և կառավարման ու նշանակման կոմիտեի (Governance and Nominating Committee) նախագահն է[10]։
Գործունեություն կազմակերպություններում
[խմբագրել | խմբագրել կոդը]UBS-ում գործունեությունից բացի, Ակսել Վեբերը Swiss Finance Council (SFC), Շվեյցարական բանկային միավորման (SBVg), Արժույթի միջազգային համաժողովի (IMC) տնօրենների խորհրդի անդամ է և միջազգային ֆինանսների ինստիտուտի (IIF) տնօրենների խորհրդի նախագահ։ Ակսել Վեբերը հանդիսանում է նաև 30-րդ խմբի (Group of Thirty), եվրոպական ֆինանսական սպասարկման կլոր սեղանի (EFR), եվրոպական բանկային խմբի (EBG), եռակողմ հանձնաժողովի և Սինգապուրի արժույթի կառավարման միջազգային խորհրդատվական խորհրդի անդամ է։ Ակսել Վեբերն է Zukunft Finanzplatz- ի փորձագիտական հանձնաժողովի և Avenir Suisse հիմնադրամի խորհրդի անդամը։ Նաև Ցյուրիխի համալսարանի Ազգային տնտեսագիտության ինստիտուտի խորհրդի անդամ է և Բեռլինի Տնտեսական հետազոտությունների գերմանական ինստիտուտի (DIW) հոգաբարձուների խորհրդի նախագահ։
Պատվավոր կոչումներ
[խմբագրել | խմբագրել կոդը]Ակսել Վեբերը Դուիսբուրգ Էսենի և Կոնստանցի համալսարանների պատվավոր դոկտոր է։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 1,4 Deutsche Nationalbibliothek Record #111964695 // Gemeinsame Normdatei (գերմ.) — 2012—2016.
- ↑ 2,0 2,1 Բրոքհաուզի հանրագիտարան (գերմ.)
- ↑ 3,0 3,1 Munzinger Personen (գերմ.)
- ↑ 4,0 4,1 Դավոս 2014 մասնակիցների ցանկ
- ↑ Драги: скупка гособлигаций угрожает независимости ЕЦБ
- ↑ ВЕДОМОСТИ — UBS возглавит экс-президент Бундесбанка
- ↑ Представитель правительства ФРГ: глава Бундесбанка досрочно уйдет в отставку к 30 апреля
- ↑ Бывший глава Бундесбанка Аксель Вебер станет председателем совета директоров UBS
- ↑ Швейцарский банк UBS преобразуют в холдинг
- ↑ Axel A. Weber
Արտաքին հղումներ
[խմբագրել | խմբագրել կոդը]- Axel A. Weber Bloomberg (англ.)
- Глава совета директоров UBS: Следов утечки банковских данных в ФРГ не обнаружено Արխիվացված 2014-09-04 Wayback Machine, 19 августа 2012 года
- Аксель Вебер: каков следующий шаг после «Базеля III» Արխիվացված 2015-04-15 Wayback Machine Интервью телеканалу «Россия 24» 28 января 2013 года
- Аксель Вебер: Европа в 2014 году может столкнуться с новыми рисками в банковском секторе, банки.ру, 22 января 2014 года
- Аксель Вебер: Швейцария может последовать примеру США, повысив требования к финансовому левереджу банков, 14 апреля 2014 года
- Аксель Вебер в рейтинге самых влиятельных людей мира, 12 сентября 2014 года
- Аксель Вебер: Санкции ослабили темпы роста экономики Германии Արխիվացված 2015-09-25 Wayback Machine, Вести, 9 октября 2014 года
- Бывший глава Бундесбанка Вебер считает правильным отказ центробанка Швейцарии от привязки курса франка к евро Արխիվացված 2016-03-04 Wayback Machine, finanz.ru, 21 января 2015 года
- Председатель совета директоров UBS: США ждет повышение ставки уже завтра, weltrade.ru, 16 сентября 2015 года
- Глава совета директоров UBS Group предсказал новое падение цен на нефть, РБК, 20 января 2016 года
- Вебер: консолидация европейских банков неизбежна Արխիվացված 2017-02-02 Wayback Machine, Вести, 18 апреля 2016 года
- UBS: политические риски затронут мировую экономику Արխիվացված 2017-10-12 Wayback Machine, Вести, 9 января 2017 года
- Глава швейцарского банка UBS ждет продолжения роста доллара в ближайшие 15 месяцев, investing.com, 17 января 2017 года
 | Վիքիպահեստն ունի նյութեր, որոնք վերաբերում են «Ակսել Վեբեր» հոդվածին։ |
| ||||||||||||
